Höfðaletur er séríslensk skrautleturgerð sem fyrst og fremst var notuð í tréskurði. Það má segja að það sé eina séríslenska leturgerðin. Höfðaletur þróaðist út frá gotnesku smástafaletri/lágstafaletri á 16. öld en ekki er til ein samræmd gerð af letrinu. Letrið sem ég hef notað til hliðsjónar við munsturgerðina kemur frá afa mínum Gunnari Hjaltasyni listmálara og gullsmið.